繼《抱抱俏佳人》後緊接《殭屍新戰士》上映，銀幕上、雜誌上周秀娜無所不在，更幾乎每周現身此版！但讀者們鍾意睇，而娜姐每次的造型亦隱然讓人甘願干犯原罪。今次，Chrissie就卸下緊身殭屍裝束，換上日式Neo-preppyLook迎寒流，配搭今季必備毛毛和AnimalPrintItem，書卷氣與野性集一身，傳授o架妹之Layering美學。
記者：吳允冲
攝影：譚盈傑
Hair：Lobo@ChinG.
Makeup：JohnathanYung@Finestyle
Model：Chrissie@Jamcast
中性學院Look 最殺
鐵人上身的娜姐自言影Styling從不厭倦，化妝時還要手執Catalog即時血拼，真係愛衫如命。咪睇娜姐身為性感Icon就愛澀谷系打扮，原來平日偏好BoyishStyle，像今日示範JEANASiS的Neo-preppyLook，以不同款式的白恤衫配毛毛頸巾或民族背心，在學院Look上Mix&Match營造不同感覺，Chrissie：「我本身都鍾意中性打扮，好學生、學院嘅感覺，西裝加恤衫之餘都好鍾意襯副粗框眼鏡。我平時出街都唔會着到好女仔，感覺無咁拘謹，成日着裙好似我咁粗魯就唔係好啱。」
粗冷衫襯熱褲 減腫
與一眾日模行過TokyoGirlsCollection時裝騷，Chrissie對日本少女衣着的顏色配搭最為讚賞，「佢哋好似着得好隨意，但其實好多元化，喺色彩配搭上做得好好。」講到自己襯衫，Chrissie教路最緊要搵到全身的重點做Focus，「首先要搵到一個Item，可能係一對新買嘅鞋或衫，再搵其他嘢配襯，就可以慳番啲時間，唔係乜都想擺上身。」而今季必買，娜姐話一定係粗冷冷衫，「今年一定要搜購一件！不過這種冷衫會着到人比較臃腫，所以下身我自己會襯短褲同埋高踭鞋，咁就可以修飾番個線條喇！」學她再襯一條毛毛頸巾，就加入今個冬天大行其道的毛毛熱潮。
殭屍層層叠 熱爆
在新片《殭屍新戰士》中，飾演善良殭屍的Chrissie一幕像蝙蝠倒吊、32D咪咪力敵地心吸力成一時佳話外，層層叠Layering戲服原來極度密實，熱到叫苦連天，「拍嗰時係六月，拍攝環境喺屠房入面，真係一滴風都無！服飾方面唔好以為我好輕鬆，諗住我都係着背心，其實有好多Layer，背心再加皮褸，短褲入面襯Legging，外面再襯長Boots。」娜姐笑說可能因為太多Layer而令到不停出汗，意外瘦了少許，但如果是在冬天作Layering的打扮，加上厚冷衫和頸巾，就一定夠晒保暖！
JEANASiS十歲喇
雖然進軍香港日子不算長，但來自日本的JEANASiS原來已經十歲大。為慶祝十周年這大日子，更推出了一系列Legging、One-piece和ToteBag等，據聞數量有限。
JEANASiS（27763262）
九龍塘又一城UG-48