城大MBA課程主任曾淵滄博士咁睇香港樓市，「泡沫會一路大，大到佢爆為止！家的確處於泡沫階段，但呢個只係小泡沫，樓價有排仍未見頂。」至於股市嘛，「港股仍未創新高，家只係牛市中期，會一直看好落去，出年股市會仲旺！」
呢個星期焦點係QE2，佢認為QE2規模一定大，「就算呢個星期公佈嘅QE2規模唔大都唔緊要，因為咁即係代表儲局要分期推出QE3、QE4以及QE5，所以最後仍然係要大規模買債，先至令美國經濟復甦。」
明年美選舉 必谷經濟
曾博士又認為，2012年係美國總統選舉年，總統奧巴馬一定會谷經濟，佢話自己研究咗美國總統選舉20幾年，發現每次總統選舉年嘅前一年，股市必喪炒，照博士講，呢個理論從來冇錯過，「始終經濟是為政治服務呀！」所以睇好出年股市，「無論如何美國明年都要谷經濟，谷唔起經濟就印銀紙，直到經濟增長。」
對於香港樓價升到停不了，佢認為樓市仍有很大的上升空間「依家市場提供可出售的單位只有6萬間，係非常不足，樓市最緊要睇供求，同息口無關。至於置安心係幸運獎嚟，置安心同樓價冇任何關係，置安心係好多人喺度嘈，咁政府咪派幸運獎，睇吓邊個抽中囉！」
咁年輕人依家應唔應該上車呢？「有錢就買囉，無話應唔應該，最重要係你手上有錢。至於風險，如果你係炒樓，咁就有風險；但若果係購入自住，住30至40年，咁咩叫風險呢？」
李華華