港股踏入11月份恢復強勢，恒指大幅上升556點收市，報收23652，成交雖較上日顯著縮減，但係扣除當日友邦（1299）嘅大成交，其實冇大變。
恒指一舉升破10日同20日線，技術轉好，但噚日挾淡倉嘅味道頗濃，喺恒指未確認上破24000關之前，唔好去得太勇，因為個市仲會喺23300至23900之間好波動。炒個別嘅氣氛會維持，金股整固完又想郁，望多兩眼。
紫金C輪25714，紫金礦業（2899）噚日報收7.61元，升4.1%。股價近排都喺8元關前反覆，係伺機向上破關嘅格局，啱啱守穩條20日線又掉頭推上，可以買定啲C輪25714等正股破8元關再推向9.20元。
隻輪現價12.9仙，2011年6月10日到期，行使價7.28元，溢價12.6%，引伸波幅50.6%，槓桿率5.9倍（有效3.6倍），正股升上9.20元，25714睇24.2仙，升幅超過8成，幾吸引，正股跌穿7.10元就沽咗隻輪。
俊樺