劇集《巾幗梟雄之義海豪情》熱爆全城，昨日一眾演員拉大隊到奧海城宣傳，日前涉嫌因拜師問題被冼灝英打傷的排骨仔敖嘉年，昨日也負傷出席，但他在台上玩遊戲時，身為冼灝英徒弟的黃浩然一直與嘉年保持距離，二人全程零交流。
黃浩然力撐師傅
黃浩然被問到拜師問題時，不但力撐師傅，更似是暗寸嘉年說：「拜唔拜師係其次，最緊要係尊重，佢（冼灝英）係好朋友好師傅，佢對家庭朋友好好。」問他對嘉年被打一事有何睇法，他說：「冇問師傅，但我覺得佢係一個好有正能量嘅人。」與嘉年同場會否尷尬？他說：「大家唔係小朋友，無論點我都係撐師傅。」
冼灝英日前開腔表示對嘉年感失望，並謂「一門無二師」，對此嘉年表示不作回應，也表示沒想過追究。問他會否擔心被冼灝英徒弟打時，嘉年說：「你估仲係古代咩？」昨日嘉年搶盡風頭，連主角黎耀祥也自嘆不如。
採訪：楊潔雯 攝影：陳順禎