兩星期前，財爺鬍鬚曾喺香港重會一位40幾年來冇見過嘅高中書友。佢噚日喺網誌講番呢件事，形容呢位書友讀書時成績唔算特別標青，但今時今日佢嘅日常決定隨時可以改變世界嘅命運咁話。
咁巴閉，係邊位？原來係EricHolder（霍爾德），美國司法部長，早前佢去北京訪問途中經過香港，百忙中抽咗少少時間出來同鬍鬚曾敍舊。財爺有啲馬後炮咁話，對EricHolder有今日嘅成就一啲都唔覺出奇，因為StuyvesantHighSchool（史岱文森高中）係間好特別嘅學校。呢間喺紐約嘅學校1904年成立，數理方面尤其出色，出過四位諾貝爾得獎者。