「見到個司機冇反應，有人嗌佢都冇反應，佢神情呆滯，只顧揸住個軚；啲乘客即刻跳落車……」目擊迷幻小巴司機撞車過程的張先生說：「以後坐小巴同的士，都要睇清楚司機個樣先好上車。」
在港島黃泥涌道美聯地產任職的張先生，事發時與同事正在往午膳途中。他表示見到該輛專線小巴從山光道轉入奕蔭街後，整輛小巴「行吓窒吓」，隨着聽到車上乘客吵嚷，戴着太陽眼鏡的司機沒有反應，只顧雙手捉住軚盤。當時小巴差點撞向鄰線的寶馬房車，司機完全沒看倒後鏡；車行50米後，便見到乘客拉開車門陸續跳車逃命。
「以後睇清楚先上車」
張先生續說：「啲客落車後就講：『個司機黐線o架，嗌都冇反應。』架車跟住就溜前撞向前面架平治喇。」另一名目擊的街坊亦表示，救護員到場時司機仍目光呆滯，要救護員替他戴上氧氣罩再抬落小巴。
經常乘坐該線小巴的張先生，指摘迷幻小巴司機不顧乘客安全；他坦言經過今次事件後，「以後坐小巴、的士都會先睇清楚司機嘅精神反應先上車」，如果司機神志不清就不乘搭，若上車後發現司機有不妥，會立即落車。
本報記者