奧蘇利雲（圖）上周六喺英國02體育館，贏得佢有份倡議嘅桌球新比賽「PowerSnooker」冠軍。呢項比賽嘅特別之處係只有9個紅色波，其中有個波有特別Logo，只要打入呢個，就會進入兩分鐘「PowerPlay」時間，此時間內入球分數雙倍計，此舉係鼓勵球手進攻。而且定勝負亦唔再以局數為準則，而係只以時間作準，每次比賽只係半小時，半小時後總分最高嘅參賽者獲勝。成日話現今桌球比賽又長又悶嘅奧蘇利雲，上周六喺一日嘅賽事內，先後擊敗盧卡、卡達，決賽再擊敗中國嘅丁俊暉，贏得35,000鎊獎金，奧蘇賽後直言桌球終於進入21世紀時代。