【本報訊】大家樂以低薪見稱，工會早前曾揭發部份員工時薪低至19元，但大家樂行政事務助理總監溫明昨在記者會上卻自吹自擂，自誇集團在人事管理上做得相當好，又指大家樂「唔似有啲航空公司咁每年罷一次工」，藉此印證勞資關係和諧。
曾被稱為最苛薄僱主
大家樂昨日舉行記者會，身兼臨時最低工資委員會成員的主席陳裕光卻未見現身，只派出助理總監溫明上陣。大家樂公關解釋，陳身處海外。溫明在記者會上不斷重複取消員工飯鐘錢只為配合最低工資條例順利推行，但當被記者問一些核心問題，如薪酬福利一加一減後，實際薪酬開支增加多少時，他卻封嘴未肯交代。
過去幾年，多個工會調查顯示，大家樂時薪偏低，曾被稱為最苛薄僱主之一，但溫明卻自誇大家樂成立40多年，唯一引以為榮是「我哋喺人事管理同關係裏面，我覺得做得相當好」；集團經歷過金融風暴及金融海嘯，在人事管理上推出過不少措施，但未聽過反對聲。他又語帶輕佻指，集團「唔似有啲航空公司咁每年罷一次工」。他又說：「我唔敢話發財立品，但從未做過刻意令同事或者夥計有損失嘅嘢。」
飲食及酒店業職工總會組織幹事胡穗珊表示，大家樂員工不少是零散工，議價能力低，員工從未罷工不等於勞資關係和諧，不少員工只是敢怒而不敢言，「佢咁講，真係連『厚顏無恥』呢四個字都不足以形容佢。」