噚日係馬勒當拿50歲大壽，所謂五十知天命，計正佢好多嘢都應該已經睇得清楚同睇化晒，但佢日前提到好有興趣執教英超球會，畀人感覺似乎就唔係好化，同埋撈囉！講真，老馬喺世界盃帶領阿根廷嘅表現，大家睇得好清楚，唔多靠得住；加埋呢位86年世界盃時對英格蘭出「上帝之手」，相信有唔少記仇嘅英格蘭球迷唔歡迎佢。老馬呢個稱得上係生日願望嘅願望，怕且都要落空。