【本報訊】成功由230磅減至140多磅的藝人鄭欣宜，昨日得知有人疑因減肥失敗，在旺角墮樓輕生後感到極不開心。她表示不明白為何有這樣不幸的事情發生：「好唔開心，點解會發生咁嘅事？聽到之後好激氣，點解個女仔會行呢一步？點解佢咁在意肥定瘦？我覺得一定係有人取笑佢，笑佢肥，喺佢面前講一啲好難聽嘅說話，佢先至會咁在意自己嘅身形。」
籲勿取笑人家身材
欣宜接受訪問時又說，希望某些人隨意取笑人家身材之前，想清楚那一番說話是否會對人造成傷害：「要明白說話係可以傷害到人，肥係無罪，對我嚟講，減肥失敗唔代表乜嘢，因為每次失敗都比到我一個學習機會去進步。」欣宜坦言不知道該對死者家人講甚麼安慰說話，但深信死者縱使去到天堂，也定會遇到欣賞她的人。
現年23歲的欣宜，03年還是一名體重230磅的肥妹仔，由於超重導致身體出現毛病，其母沈殿霞遂找纖體中心幫忙，為欣宜安排減肥大計，結果欣宜在兩年間成功減去90磅贅肉。