老公朗尼扭計加薪成功，喺曼聯嘅周薪高達25萬鎊，老婆高蓮嘅家用當然亦相應咁有所增加啦！所以，喺佢同朗尼嘅杜拜之旅中，高蓮嘅三點式泳衣就天天新款，而且仲件件都係名牌貨；英國傳媒就同高蓮計數，話佢嗰4日嘅泳衣總值已經達1,000鎊（約12,500港元）！而身材疑似二度發育嘅高蓮，究竟係唔係朗尼出錢畀佢「僭建」呢？