仲記唔記得邊個雲昇？就係嗰個喺簡尼退休後接棒做拜仁首席龍門，但幾乎場場揩大鑊，搞到今夏俾拜仁踢走嘅德國球員。26歲嘅雲昇到家仲未落到班，於是去咗英冠球隊李斯特城試腳。李斯特城俾泰國財團收購後，雄心萬丈，搵咗前英格蘭主帥艾歷臣嚟領軍，擺明想返英超。雲昇踢過拜仁兼且曾經係德國小國腳，但弊在喺球場上猶如紙板龍門；如果李城真係搵佢守龍，對手肯定偷笑！