今次政府在特首選委會本地立法中，插入多項封殺泛民參選特首陰招，此舉令不少泛民中人，特別是民主黨十分不滿，把矛頭直指政務司司長唐英年，認為他「唔君子」，當日對泛民說本地立法「有空間」、「有得傾」，實際卻用本地立法收緊泛民參選空間，這樣做等於拆毀雙方溝通平台。
有民主黨中人指出，當日唐英年游說民主黨及泛民支持政改方案時態度開放，「佢話一定唔會搞到冇得選特首，又話會聽泛民意見。原來唔係呢一回事，仲要係本地立法先用陰招收緊」。李永達也批評唐英年及政府「唔君子」，「你叫我哋點信佢！開頭話講好大原則，本地立法細節可以傾，家又反口，日後好難再合作」。
肉隨砧板上壓力更大
令民主黨更感壓力的是，不少反政改議員，例如社民連梁國雄、公民黨梁家傑，均指當日民主黨投票支持2012政改方案時，理應預計政府會「反口」，現時「肉隨砧板上」，政府只需在立法會內有過半支持票，就可通過法例，林瑞麟根本不用理會泛民，變相令民主黨承受更大政治壓力。
有民主黨核心不諱言，該黨隨時會投反對票，就算最終無法否決選舉法例，「咁你唐英年想拆咗泛民同北京溝通平台，民主黨都冇辦法，咁咪幫其他反對政改嘅人拉票，打死支持溝通嘅泛民陣營」。本報記者