【海南島直擊】中外群星連日在海南島打高球，其中以曉格蘭特（HughGrant）最搶鏡，狂冧中國美眉。任達華昨日透露和曉格蘭特晚宴時，兩人大講美女經，研究中外美女，那個國家美女眼大、高䠷，曉格蘭特說得興高采烈，更自爆到晚宴場內有短裙靚腿美女。
嘉芙蓮薛達鍾斯、張曼玉、郭富城等，前晚盛裝出席「觀瀾湖unicef慈善晚宴」，昨日則繼續打波。獎金有10萬美元的業餘明星選手賽，昨日排名以前體操選手李小雙領先，王敏德、任達華都在上游位置。
「上海女仔腿靚」
任達華前晚在晚宴上，被安排和曉格蘭特同枱，他大爆兩人講靚女經，任達華說：「佢好幽默，我哋不知幾好傾。傾咗中國、世界各哋嘅女仔，邊個地方嘅女仔眼大、腿長、身高，HughGrant同我讚場內一個着粉紅短裙嘅女仔，雙腳好靚，不過，唔知佢講邊個。」任達華謂男人傾偈，講女仔是共通話題：「我哋講咗好多美腿經，我介紹佢一定要去上海，嗰度啲女仔隻腳好靚，我同佢講，啲女仔好靚，但唔食得，只有金華火腿先食得！佢好幽默，我咪同佢講笑。」
費斯水中揮桿
任達華又謂和《斷箭行動》男星基斯頓史利達（ChristianSlater）交換咗email，記者笑他變了集郵男星，努力宣傳祖國，比成龍更有好客之道，他笑說：「咁我做海南島大使啦！」
此外，飛魚王子費斯（MichaelPhelps）傍晚就去了泳池試水，之後又示範蝶式和在水中打高球；而馬修麥康納希（MatthewMcConaughey）和科林蒙哥馬利則結伴在餐廳的VIP房一面睇電視轉播高球賽，一面嘆青島啤酒吹水。
採訪、攝影：曾小嘉
