李氏力場籠罩香港，高官嚴陣以待，天文台台長李本瀅都不能逃避，噚日喺台長網誌以《何時才會發出一號戒備信號》為題，花咗近千字解釋點解鮎魚掠過香港，天文台冇早一啲掛一號風球。
按天文台正常做法，只要颱風集結在香港約800公里範圍內，就會掛一號風球，不過台長話，仲要考慮風暴係咪會威脅香港，由於鮎魚當時移動緩慢，路徑偏西，所以即使喺800公里範圍內，都冇掛一號風球，後來向北移動，天文台就掛一號波。
對於好多人質疑天文台受李氏力場影響掛風球決定，台長話過去有好多例子，風暴深入警戒範圍都冇掛風球，因為天文台判斷颱風唔威脅香港。
長篇大論，台長結論係如果風暴移動得越快，就會越早掛風球，鮎魚慢游，天文台睇定啲先決定囉。