備受矚目嘅「新人狀元」禾爾（圖），周四終於為巫師「地標」（Debut）上陣，上陣35分鐘攻入14分同有9個助攻，表現算不過不失；衰在球隊作客以83:112慘負魔術，呢29分嘅分差，更加打破拓荒者嘅奧丹紀錄，成為新人狀元首度上陣球隊最大敗仗，呢啲紀錄真係唔要好過。另外今季轉投巫師、剛過23歲生日嘅易建聯，亦首度上陣，但只貢獻6分同5個籃板。