樓巿持續升溫，未入巿或想入巿的無殼蝸牛叫苦連天，但對於已撮成交易賺取佣金的代理而言，這是十年難得一遇的好時機，部份營業員，每月為公司賺取300萬元佣金收入的大有人在，至於有關同事，約可分取100萬元，因此代理100萬月薪的日子又再重現。
代理決策人促員工唱好樓市
最近有某代理公司開內部會議，決策人對同事說，現時樓價確已很高，不過作為代理，你們可繼續游說買家入巿，至於公關部就要繼續發放樓巿大升的訊息，用軟資訊去頭腦發熱的巿民上車。
該決策人說，代理收了發展商那麼多佣金，係時候幫發展商鬧政府，以免政府立法過嚴，阻礙發展商賣樓速度，最終令代理佣金收入大減。他一再強調，作為地產代理，不是人，係賺錢機器，就算你個人看樓巿太高有下跌風險，也不要說出心中所想，因為客人賺蝕不是你們的責任，好似早前尖沙嘴名鑄以天價開售，明知水位不多，但班大陸佬錢多到瀉，係要買，咁真係不要阻他們，反正佢哋啲錢都唔知點樣賺番嚟，輸咗都唔會肉痛。
樓市瘋狂仍說客上車
該決策人繼續說，我要成日評樓巿，為咗你們的飯碗，我一樣將良心放低，日日都講樓價有得升。他最後訓誡員工說，家賺了錢，也不要亂買跑車，亂炒樓，因為97時好多代理就係因為咁破產，賺了錢，就拿一百幾十萬現金放在屋企保險箱，閒時攞出來數數過手癮，就係最好嘅娛樂。
花無百日紅，樓巿不會只升不跌，好明顯，家樓巿開始瘋，但作為代理，你們要繼續玩，不過你哋就好似賭場叠碼仔，你嘅責任係叫人去繼續賭，但唔好賭埋一份。
何熊輝