溫碧霞（Irene）在《酒徒》中扮演與主角劉先生一夜風流的王師奶，在導演眼中，溫碧霞極具原著小說中那獨守空闈失落少婦的風韻。同樣改編自劉以鬯作品，同樣的人物背景，難免會被人拿來跟《花樣年華》的張曼玉（Maggie）比較，若Maggie的造型是濃艷有度，溫碧霞就顯得雅致真實，更像小說中的角色。
提名金像女配角
原來Irene化妝時刻意作出適度配合，她說：「故事發生喺60年代，演嘅係一個低下階層嘅主婦，所以基本上除咗打粉底之外都冇其他化妝。唔好話要扮醜，做番份內係演員嘅責任。」結果出來的效果竟意想不到地討好，更像真地表現原著風情。
Irene自言近年已甚少接戲，所以對劇本更有要求，她說：「家拍戲要求嘅唔係錢，為嘅都係興趣，所以都想拍一啲有誠意嘅電影，同埋想有多啲發揮機會。對上彭浩翔套《出埃及記》同埋今次嘅《酒徒》雖然戲份都唔多，但由劇本到拍攝都好認真，現今香港呢類純藝術電影真係好少，作為演員應該支持。」
因文藝電影成本有限，Irene指台前幕後人人願意多走一步，反而事半功倍，會出現令人意想不到的效果。對於《酒徒》有機會代表香港成為亞太影展入圍電影，溫碧霞坦言有期望，她說：「做演員當然希望被肯定，導演話仲會提名我參加今年香港電影金像獎嘅女配角獎，我都好想有呢個機會。」