陳柏宇過往多以陽光男孩形象示人，但他最近推出新碟《PutOn》時卻一改作風，走型格路線，他自言不介意嘗試大膽造型，惟獨堅拒使用增高鞋墊，他說：「就算高咗都唔會特別好睇啦﹗」唔扮嘢，做自己，比起很多「變臉」技術高超的藝人顯得坦白大方可愛。
學樂器增值
陳柏宇說：「好多造型我都可以試，冇特別抗拒，惟獨唔鍾意着馬毛靴，同埋唔鍾意增高鞋墊，我唔想搞到咁高，本身又唔係高，就算高咗又唔會特別好睇。」直言不願說謊騙人的他，寧願花時間學樂器令音樂事業更長久，更嘗試創作歌曲，新碟歌曲《沒有吻的資格》他也有份參與創作，他說：「如果唔識玩樂器，做demo時會困難啲，所以我學緊結他。」
提到新碟接觸死亡題材，陳柏宇說：「有幾首歌都有關呢啲，不過好正面嘅，就算有幾慘，過程辛苦完就冇事。」
採訪：王連連
攝影：黃偉雄