自言愛靚唔愛命的Angelababy（楊穎），一年最期待的就是冬天，聖誕節、新年、情人節等，有無數個理由讓她好好裝扮，皮褸、長boots和scarf等的mixandmatch，更成了她全年的最大樂趣，今次試穿的McQ秋冬裝，她就愛上格仔圖案。
冬天是shopping的季節，從服飾到化妝品的選擇，都比春夏季多。Angelababy跟很多女生一樣，對冬天充滿熱情，她說：「我好鍾意冬天嘅衫，可以做好多配搭，就算着好多層上身，都唔會覺得辛苦，而且越凍我就會越愛紅色，因為當大家都着得好深色時，着鮮紅色就會即時變得好搶眼。」
紅啡有生氣
Baby更笑言不會有任何因素阻止她對打扮的追求，就算天氣再冷，她都不會放棄fashion，她續說：「有啲女仔到天氣好凍時，就會唔理着得好唔好睇，但求保暖。不過我就算天氣好凍，只要朋友搵我去街，我都一定要着得靚，因為我真係愛靚唔愛命。」
今個冬天，Baby看好啡色和紅色，除了是個人的喜好外，更認為這兩款顏色能為冬天帶來生氣，同時也欣賞過膝長boots，早前她到日本工作時，已搶先買了三對過膝boots，她說：「我覺得過膝長boots唔難襯，之前見好多人着過，都唔會覺得誇張，襯短裙、短褲就最穩陣，而且每年冬天都會掀起新boot款嘅潮流，所以我覺得過膝boots會成為今季新潮流。」
再做設計師
Baby又指這次示範的AlexanderMcQueen副線McQ系列，偏向型格，帶有搖滾和不規則的味道，雖然與她過去的風格有不同，但認為設計師出色地利用了格仔圖案。提到她為I.T旗下b+ab設計了一系列秋冬服飾，她直言自己和I.T的元素很似，既可以可愛，又可以型格，能夠有多元化的發展，更透露已洽談新的合作，不久後會再以設計師身份出現。
特設專賣點
英國時裝設計師AlexanderMcQueen於2月自縊身亡的消息震驚時裝界，令不少fans傷心，除了其今季秋冬遺作令人期待，副線McQ一樣不容忽視，香港I.T便在又一城店內，刻意劃出一個位置給McQ獨立營運，顯示其地位。
採訪：R.AuYeung
攝影：Chenwaion
化妝：WillWong
髮型：AlexSoofPOP