庫房水浸，財爺搵地方使錢，今年初注資30億元入藝術及體育發展基金，政府噚日宣佈成立藝術發展諮詢委員會，就基金如何資助藝術界提供意見，其中一個成員，係女藝人諸葛梓岐個男朋友、Neway太子爺薛嘉麟。知道呢個消息，八方喜出望外，對於特區政府終於正視唱K文化感到無比高興，期望薛公子推動基金將唱K發揚光大，登上藝術殿堂。
呢個委員會決定如何分基金大餅，權力好大，主席由民建聯總幹事鍾瑞明擔任，政府又玩親疏有別？太低層次嘞，鍾瑞明蟄伏多時，用得着佢嘅地方，多的是呢！委員會共有12名成員，經濟學者林本利都有份，任期下月一日起兩年。