踢緊英超球會保頓嘅克羅地亞前鋒卡斯歷，經歷過兩次換腎，但之後竟然能夠繼續喺綠茵場上馳騁，所以外界都封咗佢做「生命鬥士」。不過，呢位鬥士最近就喺英國涉嫌強姦咗一位17歲嘅少女。據報，警方已拘捕咗現年30歲嘅卡斯歷，仲話保頓會方想盡力保釋佢出嚟為球隊打拼，但警方就冇透露案情嘅細節。如果呢單嘢屬實，咁生命鬥士嘅形象一定直插谷底，更隨時變埋監獄鬥士。卡斯歷03年已經結婚，家有個3歲大嘅囡囡，不過就住喺德國。其實有個美滿家庭，事業亦有唔錯發展，卡斯歷都唔似會搞搞震嗰種人，希望事件早日真相大白啦！