期指結算日港股反彈46點，報收23210，反彈幅度雖然細，但係指數急挫後立刻喺20日線（23264）水平企穩，成交又大幅縮減，係利好發展。
花旗股市前晚先跌後反彈，道指雖然下跌43點收市，但係尾市抽高，錘頭形態預示昨晚會掉頭上升，睇嚟道指有機會再試11200關，若破關收市，港股今日有機會延續升勢，向10日線（23531）推進。
建行C輪17401：建設銀行（939）噚日報收7.36元，升1%。股價前日跌穿10日線兼現大成交，技術走勢偏淡，不過20日線好近，限制咗下跌空間，噚日即見反彈，今日公佈嘅業績料理想，有機會借消息重拾升軌，上望8.30元，可以諗吓隻C輪17401。
隻輪現價14.2仙，2011年12月12日到期，行使價6.28元，溢價4.6%，引伸波幅31.6%，槓桿率5.2倍（有效3.7倍），正股見8.30元，17401睇21.7仙，正股跌穿6.93元就沽咗隻輪。
俊樺