10.1被澳門政府以對「內部保安的穩定構成威脅」為由拒絕入境嘅本港社工楊佩艮，噚晚喺粉嶺施政報告論壇上，成功被抽中發問，佢當面質問保安局副局長黎棟國，澳門喺咪有份黑名單？澳門政府點解會有香港人資料？
黎副局初時不以為意，直至聽到佩艮話曾遭澳門拒絕入境，黎副局方如夢初醒。黎副局話同澳門方面交涉過，但對方冇反應，又重申保安局冇將港人嘅資料過畀澳門政府。楊佩艮聽到眼凸，八方都奇怪，若果冇黑名單，何解一介良民、普遍社工會被澳門咁對待？
論壇後楊佩艮同黎副局當面陳情，指澳門政府拒絕佢入境，係所有香港人嘅的事，要求保安局正視，點知黎副局就林D9上身，不斷重複話要尊重澳門，係性能良好嘅人肉錄音機。