亞視早排大鑼大鼓，搵晒何守信同鮑起靜呢班資深演員，話開套70幾集嘅處境劇《香港GoGoGo》，點知過咗兩個月都冇影，有份演出嘅呂晶晶（圖）噚日出席亞視活動時，就爆齣劇已經停咗廠，佢話：「拍咗10幾集，我都唔知點解停嘅，佢哋話延遲一個月，我本身拍完呢個劇就會拍個內地劇。」佢仲話家搞到咁，都唔知仲接唔接到個內地劇！