證券及期貨專業總會前日發表報告反對調整交易時間，話佢哋進行嘅調查顯示，有77%回覆問卷嘅交易員，反對修改交易時間，呢個調查結果有幾多說服力，華華就唔知喇，但「股壇長毛」DavidWebb就好有意見！
噚日佢仲嗱嗱臨公佈自己嘅調查報告，話佢收到592份受訪者回覆中，有83%支持修改……
股壇長毛又話，雖然唔少客戶都聲稱佢哋需要兩個鐘頭同啲客食飯，但係佢做嘅調查顯示，只有17%交易員話喺過去一年入面，有同客戶吃飯，而喺嗰班有同客仔飯局嘅交易員裏面，有83%反對取消午膳時間；至於無同客仔飯局嗰班呢，就有60%贊成取消午飯！
其實DavidWebb最後嘅總結係，香港並未完全準備好取消午飯時間，但應縮減至1小時。