【本報訊】富商李兆基未婚長子李家傑買卵借肚誕下三胞胎，惹來全城炮轟。有巿民在電台「烽煙」節目直斥太子爺做法「冇道德」，將有錢人「大晒」精神發揮極致，令「BB一出世就好似死咗媽媽咁」；有網民更指「（三胞胎）冇老母真係好陰功，仲要喺全世界都知嗰吓慘」。
李小姐昨日在港台烽煙節目《千禧年代》直斥李家傑「喺出邊個人生個細路」做法不道德，「BB一出世就好似死咗媽媽咁」。不少聽眾不滿李家傑用錢買肚產子，發揮「有錢乜到得」富豪精神，其中盧先生直言李家傑的做法令人難受，「係唔好嘅示範」；林先生斥責「（李家傑）用錢（買肚）老竇開心……有錢都唔好做到咁極端，挑戰道德」。
議員：冇媽媽講古仔係個遺憾
現為人母的立法會議員何秀蘭不認同李家傑做法，她以母親角度看今次事件，認為李家今次並非真正愛錫兒童，也沒有考慮過公開三名兒子由代母所生的身份，對他們日後可能會造成的歧視和打擊，「家佢哋一出世就冇媽媽，大個咗可能會知道原來媽媽因為100萬生佢哋，只係一個工具。如果真係愛錫呢個細路哥，應該幫佢保密」。何認為較為理想的做法，是透過領養而非找代母產子。
立法會議員李永達也指出，以代母方式產子是李家傑個人決定，但他認為這對孩子不公平，雖然以李家財力，絕對可以令孩子在最好物質條件下長大，但他們失去了母愛，那不是物質可以取代，「冇錯，你可以請好多人照顧佢哋，食住生活條件可以最好，但係媽媽照顧係冇得取代，冇咗媽媽講古仔畀佢哋聽，呢個一定係個遺憾」。
法師：違反自然 將遭自然反撲
李家傑本身是佛教徒，卻以代母方式傳宗接代，可能違背教義。本港佛教界鮮有談論代母牽涉倫理和道德問題，但台灣宗教界就曾對代母合代法表態，其中台灣佛青會會長淨耀法師指出，一般人物色代母產子基於兩種原因，一是要傳宗接代，二是擔心無後會危及家中地位。淨耀法師認為，代母合法化是違反倫理、自然、血緣、道德、社會、因果與尊嚴等七項原則，指人類違反自然，將遭自然反撲。