期指結算前夕恒指顯著下挫436點，報收23164，跌市主要由內地股市帶動，現貨成交增加近兩成，恒指企於20日線水平收市，略為整固，可上試10日線，破位將重拾升勢。
結算後恒指若向下發展，22300係可靠支持位，係收集藍籌股嘅好機會。短線睇地產股仲會有沽壓，支撐大市嘅動力主要來自內銀股。
工行C輪24657：工商銀行（1398）噚日報收6.20元，跌0.64%，相對強勢。股價早前升過上6.44元，之後回試10日線，跟住轉橫行，股價喺6.20元水平守得幾穩，有機會升返上6.30元樓上再炒過，睇6.80元，可以收集啲C輪24657。
隻輪噚日收報31仙，2011年4月11日到期，行使價6.88元，溢價16%，引伸波幅33.1%，槓桿率20倍（有效7.3倍），正股升上6.80元，24657睇57.8仙，升幅有86%，幾吸引，正股跌穿6元就沽咗隻輪。
俊樺