唔係行行都有花紅派，華華條命水都叫幾好，做嘅報館會派年終花紅。做投資嘅人，當然都好大機會有花紅分啦。專為從事投資銀行、資產管理同埋證券業務嘅專業人士而設嘅環球招聘網站eFinancialCareers最近做咗個調查，顯示從業員對花紅嘅期望提高咗，71%香港金融專才估自己今年嘅花紅會高過舊年，其中14%估計升幅高達31%至50%㖭！
eFinancialCareers亞太區主管GeorgeMcFerran話，喺9月訪問咗5671個嚟自五湖四海嘅賓架同金融專才，其中673個係香港專才，呢班中環人話會將啲花紅用嚟買股票，其次係儲蓄同買「磚頭」，講到尾都係做番老本行，又係投資。George仲話，家金融專才渴市，市場年內已經加咗15%至20%人工留人，話下年啲高級職位會再有相同加幅，以免班專才明年分完花紅之後會走晒……所以咁多後生仔想入財金圈唔係無原因o架！