周秀娜（Chrissie）工作不斷，不停吸金，日前她忙於拍新戲《殭屍新戰士》，當中有很多動作鏡頭，兼且要吊威吔飛來飛去，相當辛苦。Chrissie表示最難忘是拍一場倒吊戲，不但咪咪被夾到變形，搵食工具隨時不保外，更吊足五、六個鐘頭，她直言險些腦充血。
由羅守耀執導的新片《殭屍新戰士》將於下月上映，片中周秀娜扮演善良又性感的殭屍，錢小豪扮千年殭屍，蔣璐霞則扮殭屍獵人，三人合力對抗殭屍老祖元華，片中有很多動作場面，當中更不乏吊威吔飛來飛去的鏡頭。
扮蝙蝠倒吊睡
其中一幕描述Chrissie像蝙蝠一樣倒吊着睡覺，身穿低胸戲服的她被倒吊起來後因地心吸力影響，32C上圍呼之欲出，更慘被吊至變形，搵食工具隨時不保外，更因吊足幾個鐘頭，令Chrissie辛苦到頸爆青筋，險些腦充血。
Chrissie透露拍這場倒吊戲被吊了近五、六個鐘頭，她說：「呢場戲NG咗10幾次，差啲腦充血，搞到對眼想爆炸，又頭暈作嘔，胸口好悶，成塊面紅晒，導演笑我冇乜運動細胞。」雖然導演為保安全在Chrissie背後多加了一條威吔，但Chrissie依然要用盡全身氣力來平衡身體。
胸變形證真偽
提到倒吊時咪咪呼之欲出，Chrissie笑說：「因為有地心吸力，試戲時連個bra都露晒出嚟，現場工作人員見到都話好勁，我自己都覺得好似升咗cup，個胸直情好似貼住條頸。」但胸部慘被吊至變形，她笑說：「咪可以證明我係貨真價實，我都冇加墊，因為再加嘢會好重。」她又苦笑謂拍倒吊戲比拍床上戲更辛苦。羅守耀則指元華和錢小豪是拍殭屍片的元祖，故此找他們演出。
撰文：葉雪