張栢芝將會正式復出拍戲，近日已經開工拍攝宣傳片，至於老公謝霆鋒則忙於在內地拍劇，一家人聚少離多，但兩人昨晚專程留港，抽空帶同兩子Lucas及Quintus一同出席嫲嫲狄波拉的壽宴。難得謝氏一家齊齊出巡，但Quintus因未習慣被大批人追訪，結果甫入餐廳便放聲大哭。
狄波拉昨晚在中環ifc搞生日派對，老公鬍鬚Kong專程包下一間餐廳招待幾十位好友，一同為拉姑慶祝65歲生日，出席好友包括嘉玲及老公、陳自強、關菊英及同性密友Willy、蘇施黃和密友金燕玲等，另外，未來女婿安志杰更向拉姑送上百合花，認真識做。
乖女謝婷婷同時間在中環出席活動，她及後即趕赴母親的生日飯局。相反經常在內地拍劇的謝霆鋒卻罕有地在港，更帶同老婆張栢芝及兩位少爺Lucas及Quintus一同出現，祝賀媽咪生日。
兩少爺搶晒風頭
由於每次霆鋒和栢芝出現皆引起混亂，再加上兩位少爺在場，可謂亂上加亂，故此昨晚現場有幾名保安在場維持秩序，當拉姑到場不久，霆鋒便和栢芝出現，他拖着Lucas，而栢芝則孭着Quintus，謝氏一家由餐廳隔籬連卡佛的秘道出來，再急步進入餐廳。甫見謝氏一家記者即一擁而上，場面混亂，霆鋒馬上抱起Lucas。
孫仔畫卡贈嫲嫲
拉姑穿上黑碎花旗袍出現，滿身鑽飾，相當貴氣，問到鬍鬚Kong送甚麼禮物？拉姑笑說：「唔使，大家都老夫老妻，不過佢嗰兩個孫就畫咗張卡畀我。」她又透露婷婷送上名牌手袋，問到生日願望？拉姑謂：「今年真係好開心，可以同孫仔過生日，最緊要人人開心，世界好啲，咁我啲孫仔可以有好嘅空氣吸。」拉姑後來再出來時又透露：「可能Quintus未試過見咁多人，所以喊緊。」
至於婷婷在中環出席內衣模特兒比賽時，對於李兆基兒子李家傑找代母生三個兒子，婷婷謂：「每人有自己選擇同原因，生BB嘅經驗係好好，但我唔一定要經過。」
採訪：藍文浩、楊潔雯
攝影：陳俊強