正全面復出再戰樂壇嘅蔡楓華，早排上《勁歌金曲》無啦啦爆句「肥姐在天之靈保佑我」。不過，蔡楓華早排接受《娛樂新聞台》黎芷珊嘅訪問，就解釋話肥姐生前同佢講過做藝人要有生於舞台死於舞台嘅態度，當日只係有感而發先至咁講。另外，蔡楓華又自爆10年前拍過拖，可惜訂婚之後先發現對方同另一男子暗交，最後自己去咗韓國忘記情傷喎。