【本報訊】傳銷爭拗不斷湧現，涉及商品五花八門，連衞生巾也有傳銷。陳小姐昨致港台節目《千禧年代》，訴說捲入衞生巾傳銷陷阱的經過。她憶述，約3年前，朋友帶她上一間名為月X國際的衞生巾公司，「寫字樓裝修好靚，有商業登記，一箱（衞生巾）400蚊20包，我個『上線』游說我買12箱，話賣唔出都可以自用」。
陳小姐不放心，上線說她可先付全數近5,000元，「賣完一箱，再上公司拎第二箱」。
後來陳小姐沒積極推銷，今個月用完了6箱，再到該公司「攞貨」。「點知公司職員話我啲貨應該要係07年拎走晒，話我啲錢係畀『上線』，貨又係上線畀我，張單同間公司冇關係」。陳小姐續稱，該公司最後只肯給她過期貨。主持人說：「你1個月用1次，要用16年。」
苦主上堂如中邪
民建聯區議員陳曼琪表示，正跟進一個案，苦主用6萬元買了一批洗髮水，「佢冇錢，間公司叫佢落50蚊定，再叫埋財務公司供錢」。另一聽眾陳女士說，丈夫是銅鑼灣一香薰傳銷公司苦主，「上到去（傳銷公司）佢畀全班女人圍住，入咗會後好似中咗邪咁話一定要去上堂；上堂嘅人個個喺度叫『脫離貧窮，我哋做得到』」。警方在07至09年就4宗懷疑層壓式推銷投訴拘捕21人，涉及157名參與者，金額達878萬元。