由商台DJ余迪偉及鄒凱光（灘叔）合辦的《爆響口之唔出得街》棟篤笑前晚於理工大學演出尾場，崔建邦、森美、張敬軒都有捧場，李克勤及鄭伊健也為座上客，但臨時被拉上台任嘉賓。克勤上台笑謂：「啲friend話個show好多粗口，啱晒我，啲人成日用粗嚟形容我，係粗獷個粗。」
迪偉、灘叔要求與克勤跳《舊歡如夢》的舞步，惹得全場大笑。後來灘叔又捉伊健上台，笑指當年拍《百分百感覺》時，伊健欠他一個人情，故要他上台鬥打羽毛球，但因沒有球拍，二人要憑空扮打，伊健只尷尬陪笑。
講曳曳扮唔明
之後迪偉扮女人出場迎接周秀娜說：「呢個女人咁鬼靚，黐線o架。」後來二人坐下，迪偉又故意將腳放上她大腿上問她：「你作為男人嘅女神，有乜感覺？」周秀娜笑謂：「冇乜感覺，好似家咁爽囉。」迪偉又問她是否不喜歡同性戀，周秀娜說：「如果係搞，我第一個搞你。」迪偉聞言笑着揶揄她愛吃雪糕及吃腸，又問她喜愛甚麼姿勢，周秀娜說：「邊方面先？我乜姿勢都OK。」迪偉表示：「好多宅男鍾意我同你，佢哋成日攞我哋啲相貼喺牆上曳曳。」周秀娜即裝儍：「乜嘢？唔明，唔知點控制o架喎。」以笑遮尷尬。
自認胸輸迪偉
迪偉接受訪問時表示事前沒與周秀娜夾過，話題是故意整蠱她，周秀娜說：「唔介意，嚟就預咗，好開心，但我輸咗啦，迪偉件衫身材墊得咁勁，勁過我，我都未跌出嚟，佢太巨，起晒釘咁，飛得好勁。」而鄒凱光前晚一如往常露股快速在台上跑過時，工作人員故意捉住他逗留台上，他說：「我一早估到，所以今日着定打底褲。」
採訪：藍文浩
攝影：黃文成