由商台DJ余迪偉同鄒凱光合演嘅騷《爆響口之唔出得街》，前晚喺香港理工大學賽馬會綜藝館繼續舉行，仲邀請咗羅仲謙同阮小儀做嘉賓。羅仲謙同余迪偉及鄒凱光暢談花邊露骨新聞，又抵死大跳辣身舞同親熱，贏得全場掌聲同笑聲。至於小儀喺台上同佢哋分享喺電台相處嘅趣事，鄒凱光仲抱起小儀同佢玩親吻，即時笑爆全場。