港股上禮拜五下跌131點，報收23517，輕微低過10日線，但基本上喺同一水平，成交進一步縮減，沽壓唔大。
呢個禮拜四係期指結算日，好友掌控大局，淡友大規模反攻嘅機會唔大，相信會以轉倉為主，大市就會趨個別發展，繼續輪流炒嘅局面。
G20財長會議應該唔會有突破發展，花旗股市今晚有機會由科技股帶動推上，留意道指會唔會破11200關。
創維C輪23501：創維數碼（751）上日報收4.73元，升3.5%。股價雖然已經反覆回落咗半年，但係連續3個月守穩4元樓上，借助國內刺激內需嘅政策，股價喺下個月有機會回復升勢，上破5.20元睇5.80至6.20元，可以諗吓隻C輪23501。
隻輪現價10.2仙，2012年1月30日到期，行使價5.60元，溢價40%，引伸波幅66.9%，槓桿率4.6倍（有效2.5倍），正股升上6.20元，23501睇19.6仙，升幅有92%，正股跌穿4.30元就沽咗隻輪止蝕。
俊樺