梁詠琪嘆Selina:唔好彩

梁詠琪嘆Selina:唔好彩

梁詠琪、麥浚龍(Juno)和周國賢昨日在尖沙嘴為Unicef萬聖節活動擔任評判,梁詠琪透露12月會在北京開騷,對台灣組合S.H.E成員Selina拍戲時不幸燒傷感到震驚,她說:「拍電影都有爆破場面,都危險,演員焗住要拍,佢真係唔好彩。Selina都係貪靚嘅女仔,希望利用科技回復靚皮膚。」有為自己投保的梁詠琪續說:「平時拍戲如果危險都會用替身,自己都有買保險。」

此外,Juno早前安排日本36G性感女星蒼井空來港宣傳新片,卻弄得她帶病返日本,Juno說:「因為通告太密,仲入咗3次醫院,第一次醫院話佢胃抽筋,之後話胃炎,搞到吊住鹽水走,12月再嚟香港宣傳唔會有咁多通告。」
採訪:RachelWong
攝影:EdwardChou

小朋友們在萬聖節以各種鬼怪扮相參賽,任評判的Juno(後排右二)大傷腦筋。