2005年因婚外情離開港府問責團隊的林煥光，今年1月出任平機會主席後揚言「唔會畀面政府、大商家」，又力撐民間團體爭取全民退休保障。他昨接受電台訪問時表示，批評政府沒有壓力，只有曾為政府一分子的「原罪」，有責任指出政策問題。
質疑骨灰龕檢討中斷
「政策有缺失，你（自己）唔通冇責任咩？」曾是政府一員，看到今天的社會問題，林煥光說：「的的確確有原罪嘅感覺。」他的「贖罪」方法，是不時提醒政府要為市民籌劃長遠未來。他舉例指，全球政府都面對人口老化、結構性貧富懸殊、缺乏退休保障等問題，「可能一屆政府做唔到，（美國總統）奧巴馬做醫改，如果唔係前幾屆總統都有意願去推，今日都做唔到」。
主持人問他政府高層有否作出領導式政策研究？林煥光笑說：「即係咁講啦，以前好多政策，係從長期着手。」他以骨灰龕為例，指過往每10年檢討一次死亡、火化人數，並找地建設施。「我都覺奇怪，呢個10年檢討係咪中途殺局（指兩個市政局）時停咗？如果等到問題積累到好大先處理，咁就做唔切」。
他批評，社會檢視公共政策似變得短視，「係咪只顧眼前一寸，唔理將來一世？成個社會都要問番自己」。林煥光又以堆填區事件為例，認為政府應同時引領公眾討論減少包裝、廢物分類，再講餘下的垃圾可如何處理。政府五年一任，林煥光指許多問題確未必能在五年內解決，但每屆特首都應提出願景，講出最少五年內可做到甚麼，「呢個係問責基本功」。
本報記者