一連八場的「25Grasshopper草蜢演唱會繼續忘我」昨晚在紅館開鑼，甄楚倩、劉美君與男伴及張徹遺孀等前來捧場，全場爆滿。草蜢三子蔡一智、蔡一傑和蘇志威穿上一身白色打扮出場，勁歌熱舞一番，即時辣㷫全場，阿智說：「多謝大家由25年前堅持到今晚，你哋嘅熱情令個風掟彎，你哋所有人用念力送走個風，一定係你哋，多謝晒。」
草蜢昨午拜神時，阿智也感激天公造美，他說：「因為條鮎魚走咗，原本都好擔心，可能個天都想睇我哋嘅騷，今日風和日麗，個騷一定順利。」傑仔表示今次舞台是鑽石切角形設計，舞台與觀眾席有一段距離，他說：「會有啲危險，希望fans唔好買花，捐錢好過。」
採訪：藍文浩
攝影：仇志德