噚日係巴西球王比利70歲大壽，佢母會山度士亦為咗慶祝呢位傳奇人物生辰，搞咗個網上投票，投票出喺球會周日聯賽對普丹迪中，邊位最有資格着住件70號波衫比賽。結果，山度士嘅新貴尼馬（圖）最受球迷歡迎，以多達7成嘅票數，推選成為呢件戰衣嘅主人，而呢位18歲後生仔亦感到榮幸。睇嚟，尼馬他日轉會到歐洲，肯定引起山度士球迷騷動。