菲律賓人質案重傷嘅Jason梁頌學，情況進一步好轉，特首煲呔噚日去屯門醫院加護病房探Jason。據特首辦中人講，Jason一見到煲呔，即時開聲大嗌「特首」，仲大力與煲呔握手！
知道Jason見到特首咁大反應，八方都戥佢高興，Jason仲可以同煲呔簡單對答，說話清晰，更話康復後最想食蝦餃同漢堡包，甚至會同醫護人員講法文！煲呔祝Jason早日康復，又話比起上次探望Jason時，佢嘅情況大有改善。一直陪伴兒子嘅梁太，見到兒子情況好轉，心情開始放鬆，煲呔鼓勵佢要好好照顧自己，又感謝醫護團隊悉心照顧Jason。