「細個教我仁義禮智，大個要我埋沒良知」。這口號，在年初的反高鐵抗爭迴盪至今，也是不少80後的成長經歷。24歲的楊佩艮，畢業後想做個正義社工，幾年下來，她因「頂唔順」復康機構的因循憤而辭職、因堅持力保菜園村而見工失敗，最近因加入了關注綜援戶團體，被拒入境澳門……。
不屑「仇富基金」
學校裏，教授說做社工要以人為本；來到現實的社福界，高層說社工職責是維持社會和諧。今年初，楊佩艮到某大型青年機構見工，高層問她若遇到菜園村事件會如何處理？「嗰一刻都有掙扎過，究竟講唔講真話。」她最後說當然要為街坊「充權」，有不公義就要發聲。高層頓時曾德成「上身」，告訴她做社工要講和諧，要「企喺中間」，她選擇站在街坊那一邊，新工當然「冇着落」，但總比上一回好受。
08年畢業後，她加入了一家復康機構，目睹某些社工做事因循、漠視受助人感受。「有啲智障人士情緒易失控，長時間俾手銬鎖住；嬸嬸喺大廳換片，男女都喺度，但係就冇人顧及佢哋感受。」她為不公義發聲，令自己變了異見人士，在機構內抗爭了一年多，終忍不住辭職。
楊佩艮出身基層，母親在連鎖餐廳煮米線，時薪只得20元，工作一小時，吃不起一碗自己煮的米線。「好唔公平，老細嘅分店越開越多，但係一班夥計嘅待遇就越來越差。細個就見住好多咁嘅嘢，覺得個社會一定要做番啲嘢保障基層。」越正義、越憤怒，所以她支持最低工資、不屑「仇富基金」。
「點解打工仔咁窮？源頭係因為啲老闆剝削！啲富豪就算捐咗錢，啲員工都唔會因而鍾意你。最實際係人工保障到佢哋生活。政府係乜角色呀，你唔去加利得稅，仲幫班有錢人去扮好人，然後等佢哋繼續剝削，好變態囉！」
綜援戶飽受歧視
今年初加入「關綜聯」，令她對綜援戶受歧視感受最深。走進天水圍，綜援戶自覺羞愧，不敢接觸街坊。她帶受助人走入校園，解釋基層苦況，分享過後，有學生主動走上台向綜援受助人道歉。「做呢份工，都係想令人有改變。」這份工作，也改變了她，佩艮10.1與家人到澳門旅遊被拒入境。「件事又唔係自己唔啱，錯嘅係澳門政府，點解唔堅持落去？」至於「阿媽點睇」，「哈哈，我細妹好支持我囉！」
記者 雷子樂