有份演出劇集《巾幗梟雄之義海豪情》的麥長青（麥包），昨日為節目《新派煮意》錄影，提到他在劇中的非凡哥一角甚具話題性，就連監製李添勝也在訪問中直指其角色甚為PK，麥包笑說：「胡定欣睇到都有同我講，話添哥講粗口鬧我，我就同佢解釋仆街只係一個形容詞。其實呢啲咁嘅小人好多公司都會有，非凡哥嘅性格真係幾仆街。」
問到麥包其公司可有同類小人時，他尷尬笑謂相信身邊朋友不會這樣對他。
「唔覺演得特別好」
非凡哥角色如此突出，有否信心在台慶頒獎禮上爭男配角獎？麥包謙虛地說：「從來冇諗過呢啲嘢，我又唔覺得自己今次演得特別好，只係添哥個劇本寫得好，將人物立體化咗，我相信呢齣劇會成為一個經典，有份參與一齣經典劇已經好好彩，所以我最想係個劇拎最受歡迎劇集獎。」
採訪、攝影：譚倩宜