一向甚少睇本港電視劇，出咗嚟做嘢就睇得更少，所以，嗰日喺電視度見到三色台嘅台慶劇刑偵片，擔正嘅竟然係「五虎」其二嘅「三哥」同埋「靖哥哥」，嘩！幾廿年前仲讀緊小學嘅回憶，全部湧晒出嚟，幾乎到咗一發不可收拾嘅地步。不過唔好話，靖哥哥同三哥真係keep得好好，特別係三哥，仲型過以前，加上又識做戲，難怪外界都估呢套台慶劇嘅收視，一定好過之前「玉樹」擔正嗰套中港合作劇多多聲。
三哥就越戰越勇，但睇番有四哥謝老四做隊長嘅利物浦，今屆真係低處未算低，易咗主一樣冇起色，不過，紅軍其實人腳唔錯，喺周日迎戰布力般時，又有「謝老四」同埋費托等復任正選，加上總覺得領隊鶴臣嘅功力唔會咁不濟，一於再捧紅軍一次，等佢哋同我一齊反底！
吾中
心水：利物浦勝
近5場戰績：LLWWW
心得：唔信紅軍可以咁頹