90後可能唔知道香港有前綫呢個政團，呢個政團由卿姐創立，曾經風光一時，但隨住卿姐過檔白鴿黨，前綫沉寂下來，不過近日又有少少消息。
八方聽聞前綫靜極思動，近日開始招兵買馬，其中一個對象係退出公民黨嘅譚香文。譚香文當年唔肯支持政改方案，獲卿姐封為「新民主女神」，前綫無咗卿姐呢個民主女神，唔通想搵個新女神坐鎮？
譚香文承認曾接觸前綫，是否加入未有決定，仍在考慮之中，佢話其中一個考慮因素，係明年是否去馬區選。圈中人都知譚香文想重返立法會，孭上前綫呢塊招牌，對選情有冇好處呢？八方無從評估，但呢條數唔複雜，身為會計師，譚小姐應該輕易計掂條數。