花旗股市禮拜二受人行加息影響而下挫，但係前晚已經回升番129點，道指重上11000關樓上，巨企公佈嘅業績比預期理想，跟住嘅業績公佈都應該唔差，花旗股市肯定未升完，氣氛對港股有利。
港股期指下禮拜四結算，家仲係好友掌控大局，唔排除抽上24000樓上結算。滙控（005）有掉頭炒嘅迹象，推高指數嘅主要動力相信會來自內地金融股。
中行C輪24127：中國銀行（3988）噚日報收4.59元，升1.7%。股價近日喺4.60元水平橫行，由成交變化嚟睇，已具備條件炒上，股價升破4.85元之後會再試5元關，可以諗吓隻C輪24127。
隻輪噚日報收18.8仙，2011年1月31日到期，行使價4.80元，溢價8.7%，引伸波幅27.9%，槓桿率24.4倍（有效10.1倍），正股升上5元，24127睇40.5仙，升逾1倍，就算正股見4.85元，隻輪都見31.5仙，正股跌穿4.48元就沽咗隻輪。
俊樺