【本報訊】長期職業性勞損易引發肩膀痛，工作時經常有「過膊」動作的張女士，一年多前左邊肩膀痛，即時睡覺時也會痛至「紮醒」，服食止痛藥也無效，又未能確定痛楚成因，後來誤打誤撞服食治療眼疾的消炎藥物後，痛楚大減，但另一邊肩膀又隱隱作痛，最近求診才發現先患上冰封肩，後來再患上肩周炎。
張女士表示，試過多種治療方法包括止痛藥、針灸、塗藥酒及睇跌打均無效，「成日夜晚都痛醒，有時食咗止痛藥都未必瞓到。」大半年後因眼疾求診需服食類固醇藥物，痛楚才明顯減輕，但不久右邊肩膀又開始痛，減少郁動，痛楚便會減少，到最近在公立醫院求診才證實左邊肩膀先患上冰封肩，後來右邊肩膀則患上肩周炎，前者在服食類固醇藥物及多郁動後，已逐步恢復，肩周炎則仍需接受物理治療。