文仙尼之前就有出位言論，話寧願球員搞女人都唔好飲酒，球員生命都長啲。不過，韋斯咸嘅達哥斯達（圖）就似乎冇聽過呢番話，佢日前就喺一間夜店，向跳緊舞嘅靚女施以「鹹豬手」，上下其手，結果涉嫌性侵犯而被捕。據現場目擊人士講，達哥斯達當時貌似飲醉咗，酒後亂性而向靚女施「胸襲」，佢呢次搞女人之餘，仲要係飲大咗，真係衰兩瓣。