當退休學者何文匯遇上鮎魚，可能百般滋味；並唔係颱風影響佢日常生活，只係有啲人錯誤發音，將鮎讀成「廉」，發音少了鼻音，令講究粵語正音嘅學者皺晒眉。
八方日前見到何文匯，對習非成是嘅語文毛病，佢似乎仍然睇唔過眼，「超級颱風鮎魚，個鮎字係『n』音；但好多人唔識呢個字，或者讀唔慣，連天文台（科學主任）、傳媒有時都讀『l』音，變成『廉』魚」。
鮎魚不是名貴海鮮，難怪一般人將牠讀成「廉」魚。香港人語文基本功不濟，多懶音，何文匯歸咎於當局無在中、小學課程中教授如何查字典、學拼音，不過佢強調家已經無意再就正音問題同人論戰，「我從來冇推動正音『運動』，好似查字典咁，一定有對有錯，你鍾意就學，唔鍾意就唔好學，你唔用都冇所謂，但為人師表，應該要講啱嘅嘢」。