合景泰富（1813）噚日搞吹水飯局，財務資金部副總裁羅兆和唔單止特登帶咗支貴腐甜酒嚟同大家嗒番杯，臨走時仲每人送咗盒FourPoints朱古力。FourPoints？無錯，唔係FourSeasons，係FourPoints！個朱古力盒側邊仲有兩粒點數係「2」嘅骰仔㖭。羅生話，呢啲「四點」朱古力係佢哋旗下廣州東圃合景福朋喜來登酒店（小圖）整嘅，啲朱古力仲要係手拉㖭……好味！咦，唔通「四點」想硬撼四叔檔FourSeasons？華華覺得，酒店名最好咪咁「蹺口」，否則，就算間嘢幾正、啲出品幾好食，班上咗年紀嘅客都未必噏得出個名。
羅君豪攝